Ka Upper Division waka Lower Division ka Amlarem Sub-Divisional Sports Association (ASSA), da pyndep ki ynne ka sngi deiwa pynman ya waroh ar ki Final.
Ha ka Lower Division, ka Syndai Kmaishnong da jop ko yaka Dongdien Moosakhia da 2-0 da ki kool wa thap u Carlos Pohplet haka minit wa 5 wa ha ka minit wa 45 uwa da yoh leh yei naam Man of the Match.
Ha kani ka Lower Division da yoh u Porkas Tariang (TSC Moosakhia) yei naam Top Scorer katwa yei naam Best Goalkeeper da yoh da u Ebormi Pohpley (Syndai Kmaishnong).
Kam kawa jop yaka Lower Division, ka Syndai Kmaishnong da yoh ko yaka song poisa wa T. 30,000 katwa ka Dongdien Moosakhia da yoh ko T. 20,000.
Haka Upper Division won, ka Dongmihsngi Mupyut da yachem ko waka Jaraiñ C&SC heiwa ka yalehke da kut ko da 1-1 hadooh wa kut i por heiwa ka Jaraiñ da yoh ko wow thap kool nyngkong haka minit wa 40 lyngba u Kamjuh Shadap katwa ya ka Dongmihsngi da thap da u Yoophi Khyriem lyngba ka Penalty haka minit wa 55.
Kamtæ da pynman da ka yachut Tie-breaker heiwa da jop ka Jarain da 4-3.
Yei naam Man of the Match da yoh u Planti Lyngdoh (Dongmihsngi Mupyut), yei naam Top Scorer da yoh u Kamjuh Shadap (Jaraiñ C&SC) katwa yei naam Best Goalkeeper da yoh u Fandaroi Pamthied (Jaraiñ C&SC).
Ka Jaraiñ da yoh ko leh yaka song poisa kawa T. 40,000 katwa ka Dongmihsngi Mupyut da yoh ko T. 30,000.
Ya kini ki yakhun Final da wan wow sakhi da u Stephanson Mukhim kam u kongsan wa u R.L. Tariang kam u symbood kongsan.
