December 13, 2022
Ka sorkar Meghalaya hadien ka yalang ki Montri namo ka Cabinet Meeting ynne ka sngi, da mynjur wow pynkylla ya ka Meghalaya Health Service Rules wow kynthup lang ko ya ka Meghalaya Medical Service Recruitment Board (MMSRB) hapoh ki kyndon.
Deiwa leh yeini da pynkup bor ya ka MMSRB wow pynman ko ya ki Exam neibynta ki kreh Doctor wa lait hapoh ka jylla.
Neibynta won ka Meghalaya Public Service Commission (MPSC), ka Cabinet da mynjur ko wow e bor wow laitlooid ko u pynlut poisa hapoh ka Schedule IV neibhah nachwa ini, du wow pynlut ya kiwa khian kiwa nai wa emkaam ko da hap wow paan bor chwa.
Ha iwi won i liang, ka National Human Rights Commission da phah ko ya ki jylla wow su bai lutsan lada em wa yap ki koidi hapoh patok, kamtæ ka Cabinet da mynjur ko wow leh yeini wei daw pynbna hadien.
