Ujor FIR ka CSWO yaka Truck wa kit mooyong

Ki dkhot ka seiñ CSWO wa kynthup ya ka Agnes Kharshiing deilang waka Amita Sangma ynnin ka 20 tarik da ujor FIR ki pyrchah ya kawi ka Truck wa em Number AS-01LC-6376 kawa kit mooyong.

Ha ka FIR da ong wa heipor wa liwan ki na Mawkyrwat wei manda poi ki ha Umdiengpun 7^th Mile hajan ka thaw hiar Helicopter ka Air Force ha i thaw wa booh No Entry, da chem ya kiwa boon ki Truck wa kynthup ya ki Dumper kiwa kit Coke wa kiwa kit moo.

Hadien wa yoo ya kini da pyntip cha ki pulit wa em hajan wei da phah ya ki wow pait iyi kit kini ki Truck heiwa da chem wa kawa em ya u Number AS-01LC-6376 toh kawa kit mooyong wei deiwa takit chooh chooh da pyntikna wa kani ka Truck toh kawa wan na Shallang.

Da wanlang leh wa ki pulit na Jhalupara kiwa da yarap wow leh ya ini, da pyntip ka Agnes.

Related posts

Chah tooh biang sa kawi ka Scooty na pchem yung ha Jowai

February 4, 2026

Chah kem u Police Inspector wa baam poisa na u hehspah deiwa maham

January 31, 2026