Ki pulit ka West Garo Hills District kam chibynta wow pynkhreh ya ka Election MLA 2023 hapoh ka jylla Meghalaya da dep phah ya 7 tylli ki Company ka CAPF wa 2 Platoons ki SAPF chapoh ka District neibynta ka Pre-Poll Election Duty yow pynskem yei long i man ki thaw ki bhaw, u sylli ya ki kari wa kiwi kiwi de.
I pynsangeh kari da pynman ha palat 20 tylli ki thaw wei da chah pynngat kamwa 300 ngut kiwa jooh pynawri awra hapoh ka Section 107 CrPC yow lait ki wow sdang ya iwon iwon i awri awra.
Ha ka 11 tarik uni u bnai won ki pulit ka Tura Police Station deilang wa ki pulit ka Chandmari BH wa Rongram OP hawa pynsangeh kari ki ha Chasingre wei da kem ya kawi ka kari Pickup kawa em ya u Number HR-55-AD-5381 heiwa da yoh kem ya 10140 Litre i kiad pharæng iwa chongdor palat T. 15 lakh wei da kem ya uwi u bru.
Ha iwi won i pynsangeh kari kari da yoh wow kem ya 1067 Litre i kiad pharæng wa chongdor T. 2 lak da ki pulit ka Rongram PS wa 47 Litre won iwa chongdor T. 20,000 da kem da ki pulit ka Jengjal PS ha ka 13 tarik wei da kem leh ya uwi u bru.
Neiliang ki pulit da pyntip ki leh wa da pait bniah bha ki ya u pood wa kiwi ki ri kamjooh u pood wa kiwi ki jylla wei u yaleh katwa ye yow pyntikna wa kani ka Election u man ko kawa khooid.
