Ki pulit ka ANTF, East Jaiñtia Hills hapoh i pait u Banraplang Jyrwa, Addl. Superintendent of Police, East Jaiñtia Hills District deilang wa ki pulit ka Ladrymbai Outpost da yoh ki wow kem ya 100 tylli ki synduk sabon wa song yei drug Heroin ynne i step ka 8 tarik.
Ya ini i drug Heroin da yoh wow kem na uwi u bru wa tip kam u Albert Lalro Piang (32 snem) uwa na Aizawl, Mizoram ha Indian Oil Petrol Pump iwa em mar pyrchah ka Friends Hotel & Restaurant ha Lad Rymbai.
Ini i drug toh kiwa khia 1040 gms wei da yoh leh wow kem ya kawi ka Mobile Phone wa ka poisa T. 2,550 na uni u bru.
Ya uni u bru da kem hapoh ka aiñ NDPS wei ka takit dang lai ko chakhmat yow chem ya kiwa emkti.
