Ki sarok thymme wow yarap ya i lai i wan ki paidbah ha ri-loom Jaiñtia

Jowai : Ka sarok wa da angnood bha ki paidbah wow wai noh ya ka, ka wa jrong 8 Km kawa tip kam ka Jowai Bypass hapoh ka skhim SARDP Northeast da wan li pait li sylli ya ka ynnin da u MLA ka PWD (Roads) u M.M. Danggo heiwa oo da yoo hun u ya i kreh ya kani ka sarok wei da pynbna leh daw wai noh ya ka ha u Kmaichonglad (December).

Hei yaklam u Wyrta wa u Executive Engineer ka Jowai Central Division, u ma Sainia Kyndiah da pyntip u wa katni sah sadu u siang psiang wa khaddooh (Final Coat) wei u man noh ko wa da biang u pynemkaam ki paidbah.

Uni u sarok u wa lai nadooh na Thadlaskein, Mukhla hadooh ha Soomer wei daw pynduna u yei lut por ymduna ya 30 minit haddooh chi kynta lada nujor wa lai lyngba na Jowai, chong hei sah kut kari.

Deiwa lai ki kari neini daw lait leh ki boon ki yatyrrah wa jia khamtam ha Riatturiem kamjooh leh ha u Intermediary Jowai Bypass uwa na Lad Nartiang hadooh ha Riatmuleiñ (Yingkieñ Myntdu).

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Du ha kini ki tayaw wa dep da boon ki accident wa jia ha kini ki thaw neidaw wa dong u sarok kamjooh leh wa sih u. U Byepass toh uwa bait ha kiwa boon ki thaw wei kamjooh leh ym em ki synrang ha ki bynta yong oo.

Also Read :Yap kawi ka manbei hadien wa oor ka kari ki cha synrang ha Riatturiem

U ma Sainia da pyntip u leh wa ya u sarok NH 44 (E) nadooh na Laad Muphlang hadooh Yingkieñ Riangkhongnoh wa jrong 6 Km u pynheh wei wow chna thymme ya oo neibhah uwa katni man u uwa khian wei khynñia bha kamjooh u wa da jæd da pra ha kiwa boon ki thaw.

Ya ka poisa bai thaw (Land Compensation) wa T. 6 Klur tam leh da dep pyllait ya ka wei hadien wa dep su cha ki paidbah u sdang noh u chna ya uni u sarok hei dor wa T. 26 Klur.

Nadooh na Stand War won hadooh ka yingkieñ Riangkhongnoh leh u chna pynmiat noh ya u sarok.

Hapoh ka chong Jowai leh da paan na ka sorkar wow chna thymme noh ya ki Footpath ha Iawmusiang deiwa siang da ki Concrete Tiles wei u chna Footpath leh ha Tre u dien Tredieñling wa em mar pyrchah ka ophis DC ka wym pu em Footpath hadooh katni.

Also Read: Ya tyrrah ki truck ha By-pass, heiwa yap uwi