November 4, 2016

E khublei ka HYC ya u Principal ka Polytechnic Jowai wada pyndam u ya ar ngut kiwa kreh

by Wyrta Staff

0 Comments

Advertisement ad1

Jowai : Ka seiñ Hynniewtrep Youth Council hapoh i yahkhmat u President yong ka u Damanleki Lathong ha ka 23 Naisaphra 2016, da lai yachem ki ya u Principal ka Polytechnic Jowai heiwa da dawa wow behkaam ya ar ngut kiwa kreh kani ka thaw puræ.

Kini ki ar ngut ki dkhar wa kreh hapoh ka Polytechnic Jowai, uwi toh uwa kreh kam u chowkidar katwa uwi won kam u helper.

“Hei yaklam yong i wa u Principal heiyatoh wow behkaam ya kini ki ar ngut kiwa kreh wei neiliang u Principal da paan por u kamwa chi bnai hei wow leh yeiwa emkaam” da ong u ma Lathong.

Ka seiñ da ong ko leh wa ym ye u len yei dooh khih dooh kreh ki khynroo khyllood tæ emkaam wow elaad chwa da ki tre ri tre thaw kamtæ da rai wow beh noh ya kini ki ar ngut.

Hei lai yachem biang wa u Principal ha ka 19 Naichiphaw neiliang yong oo da pyntikna u Principal wa da pyndam ya kitai ki dkhar ya kiwa da tip kam u u R.B. Shatri wa u Tull Thapa wei dadep thung leh da u Sabastian Dhar wa u Hamedonhi Shylla heithaw yong ki.

Kamtæ ka seiñ da e khublei ko ya u Principal ka Polytechnic Jowai wa da chimkhia wow leh yeiwa emkaam iwa da dawa ka seiñ na oo.