Ynnin i miet hadien wa da pynbna ya ki pyrtuid ki kyrtong wa jop ya ka Election MLA 2023, da em i mih i awri awra ha ki kattu katni thaw ka jylla.
Ha chnong Nangbah, West Jaiñtia Hills leh da sakhi ko ya ini i awri heiwa ki damok da lai pakhot moo, pakhot klong ki ha i yung u Dolloi ka Elaka Nongbah, u Moon Garod iwa em ha dong Iawmusiang.
Chirup wa ini i yung da chah dat moo leh wa kiwi ki yung kiwa man i yung u kyrtong ka PDF, u Shemhok Garod wa i yung kiwa kyrchaan yong oo.
Hadien wa mih i awri wa i chah dat moo, neiliang ki bor District da pynkrehkaam ki da ka Curfew ha kani ka chnong wei ynne da sakhi wa ki pulit da ki phaw ngut wa sonteri ha Iawmusiang wa kiwi ki bynta ka chnong khnang wow wanrah biang yei chongsuk.
Heiyatoh wa ini, ym pu em yoh ki pulit wow kem ya uwon uwon.
