Ki pulit dang pynman ki yei thooh wa joor ki ya ki ar ngut ki bru kiwa yalok wa u bru uwa da chah tynyap wei da chaah tlep i metyap yong oo harood ka nan Umïam ya iwa da chem ha kani ka tayaw.
Katkam wa pyntip u Dy. Inspector General of Police (Eastern Range), u Davis NR Marak da ong u wa da yoo khaddooh ya uni u manpa wa da chah tynyap wa ki ar ngut ki lok yong oo kiwa dang wiar hadooh ynne ka sngi ya kiwa da suba joor wa emkti ki ha ini i kaam wa chyrkhei.
U Marak da ong u wa hadien wa chem ya i metyap uni u manpa, neiliang ki pulit da ujor ki da ka ‘Zero FIR’ ha Umiam Police Station, ya kawa da phah noh cha Lumdiengjri Police Station neibhah wa kani ka mutkotduma (Case) da pynpsiah chwa ya ka ha Lumdienjri Police Station da kiwa ha-yung ha ka 3 tarik uni u bnai kiwa da pyntip cha ki pulit wa uni u manpa da wiar u nadooh ka 26 tarik u Thohlakhmi.
Kam wow pynkynmoo heini wa ha kini ki kajiak sngi wa dadep da chem ya i metyap uwi u manpa uwa ymtip pyrtuid narood ka nan Umïam wei hadien won da tip pyrtuid ya oo kam u Omega Myrthong heiwa da chah tynyap khiar u ha ki damok kiwa ym tipmit.
