Yoh myntoi ki khynnah ka Jowai Presbyterian Higher Secondary School na ka Career Guidance

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Jowai : Ka skur Jowai Presbyterian Higher Secondary School, Jowai ynne ka 4 tarik kam wow yarap ya ki khynnah Class X wow chem ki ya ki laad ki luti lai puræ kamjooh leh yow sñiawthooh ya jar jiar i bor i sap yong ki wow jied ya i puræ puthi wa yatoh wa ki, da pynman ya ka Career Guidance wa ar sngi, kawa da pynman da ka Jowai Christian Endeavour Society.

I thmu wa kongsan dooh wow pynman ya kani ka Career Guidance toh yow lait ki khynnah wa lai puræ u chim ya ka luti wa bakla kamjooh leh yow lait u sepai i por yong ki u kdong ya ka thong wa lait.

Ha ka yalang wa tbian wa pynman ha chwa wow sdang ya ka Career Guidance na kiwa klam kam u B.L. Khonglah u wa man leh kam u Rangbah Balang da ong wa da chem u ha kiwa boon ki khynnah khynroo ya ini i bakla wow jied ya ka laad puræ wa bakla heiwa na i wa jied bakla wow puræ da ka Science da fail hadooh le sien tangwa manda puræ da ka laiñ wa yatoh wa i bor, daw smat u yoh 1^st Division wei hadooh katni da yoh kreh.

Neiliang u ma C. Passah won da ong wa ym hoi u yoobeiñ næ u kheiñ beiñ ya ki laad puræ lada Arts namo Science emkaam donhi u man kiwa ye u poi cha ki kyrdan wa tam ya kiwi.

Ya ka Career Guidance da wan sikai da ka M. Pyrtuh ka wa e leh ya ki kot wa em ki phang kylli wa ki khynnah puræ ye ki u jied yow sñiawthooh ki wa ki tip ki namo ym tip ki ya ka laad puræ deiwa khana ki dei hok yei rukom man yong ki.

Ha kani ka sngi da em hadooh 112 ngut ki khynnah kani ka skur wa wan wow yoh myntoi na kani kani ka Career Guidance.