Chah siat yap uwa yah Truck ha ki BSF ha Mawshun wa suba kit masi

Uwi u bru waheh wa tip pyrtuid kam u Roning Nongkynrih uwa em 35 snem i rta da khlaad u hadien wa chah siat ha ki chipai BSF ha ka chnong Mawshun kawa em hawah Pynursla marjan waka chnong Pomshutia, East Khasi Hills District.

Da pyntip wa ya ini da jia i ynnin i miet heipor 11:00 waje hawa u Roning dang yah u ya kawi ka Truck wa dang wan na ka thaaiñ Laitlyngkot wei da chah pynbaad u wa kani ka Truck toh kawa kit ya ki masi.

Katkam ka khubor wa da yoh da ong wa ya u Roning da siat na ki bynta yong i khlieh wa rdang hadooh kamwa 3 kuli wei da em leh kiwi ki kha kuli ha kani ka Truck. Chooh chooh da pyntip wa ki chipai ka BSF mar ya dep siat ya uni u bru da yut ki na ini i thaw.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Hadien itai i jia, neiliang ki pulit ka Pynursla dapoi ki cha katai ka thaw yow takit.

Yei doh u Roning uwa na ka chnong Jalynteng wa em hapoh ka Raid Nongkynrih da pynkit noh cha Shillong Civil Hospital yow pyndep ya ka Post-Mortem.