Ynnin ka sngi da em i ya kynaad hapyrdi ki paidbah ka chnong Khanduli wa ki Karbi hajan Khanduli heiwa da em uwi u bru na Khanduli da chah thombor u wei mar tip yeini, ka JSU hapoh i yahkhmat u General Secretary ryngkat ki dkhot ka Unit na Nartiang Circle da hiar ki wut-wut cha Khanduli neibhah i kynaad ye i wow wanrah chei mynsoo.
Neiliang ka seiñ da hiar e kyrchaan ko ya ka chnong Khanduli wow khang nei psiah thombor ki Karbi cha Khanduli hadien wa da chah pynmynsoo uwi u Karbi ha ki Khanduli iwa da jia hadien wa chah beh uwi na ki warep na Khanduli ha ki Karbi.
Neipor cheipor ki Karbi jooh pynyoo bor ki ya ki Pnar ha Khanduli wei ynnin wot ya u SP ka West Jaiñtia Hills da thmu ki wow thombor oo heiwa da chah kawang moo ka kari u hadien i yaklam wa u SP wa DC ka Hamren, West Karbi Anglong.
Ka seiñ da yaklam ko leh wa u DSP ka West Jaiñtia Hills wa ki Magistrate heiwa ka seiñ da ong ko wa toh wow ujor hi (Suo Moto) pyrchah ya ki Karbi deiwa ong wa ka sorkar Meghalaya ymtoh u pyndem tdong ko ha ki Karbi.
Kamtæ ki paidbah ka Khanduli chirup ka JSU waka KSU kamjooh ki pulit da yang chnong ki waroh chi miet wow yada ya ka chnong wei wow yada nei psiah thombor syndet ki Karbi.
Da maham leh deiwa khor ya kiwa pynchongchit kiwa pynchoi ya ki Karbi wow sangeh noh chisiendon wow pynmih awri ha khappood.
