I por pyndooh bordiñ da pynkylla biang da ka sorkar jylla ha kani ka tayaaw ha waroh kawi ka Meghalaya deiwa yabhah ya ka jylla ha ki soo bynta, kitæ ka Shillong, Khasi Hills, Garo Hills, Jaiñtia Hills wa Ri-Bhoi.
Ha Jaiñtia Hills da bhah chooh chooh hapoh ka Mustem iwa mut ki thaw wa pynpoi na ka Mustem 132 KV SS iwa man leh ya waroh kawi hi ka West Jaiñtia Hills District heiwa i pyndooh bordiñ da man ko 10 kynta chi sngi iwa sdang nadooh 2:00 waje i step hadooh 5:00 waje i step. Neitæ won nadooh 7:00 waje i step hadooh 10:00 waje i step.
Hei sngi won u sdang nadooh 2:00 waje i sngi hadooh 5:00 waje i sngi. Katwa hei miet won nadooh 11:00 waje hadooh 12:00 waje pyrdi synyaaw.
Ha ki thaaiñ Khliehriat i pyndooh bordiñ man i 10 kynta chi sngi i wow sdang nadooh 2:00 waje i step hadooh 5:00 waje i step, neitæ 7:00 waje i step hadooh 10:00 waje i step. Hei sngi won nadooh 2:00 waje hadooh 5:00 waje i janmiet katwa hei miet won nadooh 11:00 waje hadooh 12:00 waje pyrdi synyaaw. Neibynta ka thaaiñ Lumshnong neibynta ki chnong paidbah man ko i jooh i por.
Neibynta won ki karkhana wa em ha thaaiñ Lumshnong i pyndooh bordiñ man ko 7 kynta chi sngi iwa sdang nadooh 5:00 waje i janmiet hadooh 12:00 waje pyrdi synyaaw.
Ha Ri-loom Garo lait na Tura kawa dooh bordiñ 8 kynta chi sngi kiwi ki thaw u dooh bordiñ ki 10 kynta chi sngi.
Ha Ri-Bhoi leh ki chnong wa sah ki bru u dooh bordiñ ki 10 kynta katwa ki thaw wa em karkhana u dooh bordiñ ki 7 kynta chi sngi.
Ha thaaiñ Shillong i pyndooh bordiñ toh nadooh 12:00 waje pyrdi synyaaw 5:00 waje i step, neitæ nadooh 10:00 waje i step hadooh 11:00 waje i step dep te nadooh 1:00 waje i sngi hadooh 3:00 waje i sngi wei ym em pyndooh bordiñ heipor miet iwa mut wa dooh bordiñ 8:00 kynta chi sngi.
Ya ka Secretariat waka High Court ka Meghalaya da pynlait heipor wa dooh bordiñ chawi heipor 10:00 waje i step hadooh 11:00 waje i step wa na 1:00 waje i sngi hadooh 3:00 waje i sngi.
