U Montri Rangbah ka jylla, u Conrad Kongal Sangma da pyntip u wa mynstep ka sngi daw yaklam ha ka dhab ki Montri namo ka Cabinet ya ka Roster System, wei kamwa man katni da dep wow pynkhreh yei pynche hajrong i pynkrehkaam ya ka Roster System hapoh ka bhah thung kreh namo ka Reservation Policy.
Hawa klam ynne ka sngi, da ong u wa ka sorkar da pynkhreh ko wow batai che deiwa bniah bha hajrong ka Roster, wei hadien wa da yoh yeini i batai waroh daw che ki wei ym em de i artatien.
Da ong u wa mynstep ka 17 tarik daw yaklam hapoh ka Cabinet, ha ka 18 tarik daw rah yaklam hapoh ka sorkar MDA wei ha ka 19 tarik daw yaklam wa waroh ki seiñ saiñpyrthai ka jylla. Da ong chooh chooh u wa neibynta wow ya syllok wa kiwi won nadooh ki seiñbhahlang, kiwa yahkhmat chnong wa kiwa yahkhmat niam daw yaklam ha ka tayaaw wow wan.
Hawa yatoh wa i pynbna yakhih da ka VPP, u Conrad da ong u wa ki seiñ saiñpyrthai ye ki wow klam lane u pynbaad katwa sñiaw biang ki, tangwa ka sorkar daw hap ko wow pynkrehkaam katkam ki kyndon.
