U Montri wa pait ya ka chnat Bordiñ da pyntip u wa hadien wa da dep lai pait u dei khmat ya ka yingkieñ Umiam da yoo kamwa biang hi ko tangwa ka sorkar da rai ko wow phah pait bniah wei wow sylli da ka IIT Guwahati chwa wow chna pynmiat ya ka.
Ki bru wa chemphang ka IIT Guwahati deilang wa u Montri, u AT Mondal da dep ki wow lai pait ya kani ka yingkieñ ynnin ka 15 tarik.
“Hawa lai pait yoo kamwa biang hi ko wei ym i sih tangwa da rai wow phah ya ka IIT yow pynemkaam da ki stat ka juk wa katni kam ka Ultrasound Drop Down Hammer Method yow tip kammon chong skem kani ka yingkieñ,” da ong u Mondal.
Da ong u leh hadien wa pyndep ya ini i thooh bniah, daw pyntip cha ka sorkar yeiwa emkaam ko u leh yow chna pynkhlan ya kani ka yingkieñ wei da kayi ka Company u khut wow leh yeini.
Chooh chooh da ong u wa heipor wa Test ya kani ka yingkieñ daw pyntip chwa cha ki paidbah heiwa ha katæ ka sngi daw khang 6-8 kynta ya kani ka yingkieñ wei kiwa lai wa wan cha Guwahati daw pynlai ki na kawi won ka luti.
