Ka Indian National Party, East Jaiñtia Hills District da pynman ko ya ka yalang ha ka 27 tarik uni u bnai yow pynim biang ki ya kiwa kitkaam ka Khliehriat Block Congress Committee (KBCC).
Ya kani ka yalang da pynlai da u Vice President ka KBCC, u G. Phawa, da yoh i klam lamphrang na u President yong ka KBCC, u T. Sana uwa da ong wa da toh i por wow yatylli biang wei wow kreh chitom neibynta ka Party yow pynkhai im biang ya ka da iwi i yumut wow kreh neibynta ka imlang sahlang wei wow yasaaid neibynta ka hok yong ka ri ka muluk.
Ha kani ka yalang da emlang u District President yong ka East Jaiñtia Congress Committee, u Thijlang Shyrmang uwa da ong wa oo man u kam pa uwa yahluti ya ki khon wow toor neibynta ka Party wei wow pynchongtre biang ya ka Party Congress.
“Ym ye i wow mylliñ yei lehbha yong ka Party, ka Party kawa da shynchaar da ki phaw snem ya ka jylla yong i, kawa da pynlaitlooid ya ka ri yong i, chooh chooh toh kawi na ka Party kawa pait ya ki khian ki nai ya ki duk ki suk wow nang kyntu ya ki paralok, to u kyruiñ khmat biang cha ka Party kawa em yurim wa skem, deiwa pteiñ i lehbha ya ka ri wa ki jaitbru.
Ha ka yalang da emlang leh u KBYCC President, u Barister Suchen, u Vice President, u Mechanki Dkhar, ka District Mahila President, ka Jhanika Siangshai wa u Khmihbha Phawa, President ka Wapung Circle.
