I wai ya ka yung Parliament wa thymme ynnin ka sngi da u Montri Rangbahdooh ka ri, u Narendra Modi da pynyoo ko yei lai luti ka ri ha i chakri paidbah heiwa ya kani ka yung da man ko iwa angnood ki 1.44 Billion ngut kiwa chong chnong ka ri iwa pynyoo yei yatylli.
Kani ka yung wa thymme ye ko u pdiang hadooh 888 ngut ki MP Lok Sabha wow pynkhlan chooh yei chakri paidbah.
Heiyatoh wa ini u Montri Rangbah ka Meghalaya, u Conrad Sangma da dap u dei kmen wow sakhi yei wai ya kani ka yung ka wow man ka sngi wow sahkynmoo ya ka ri waroh kawi.
Da ong u wa u (T) PA Sangma, uwa jooh man u lamphrang ka Lok Sabha jooh mutdur u ya ka thaaiñ mihsngi wow man ko tyrchaaiñ ha ka ri.
“I wai ya kani ka Parliament Building pynyoo i yei bor ka ri India wa da tia ko chaphrang,” da ong u Conrad.
