Ka JSU War Jaiñtia da phylla joor ko heiyatoh wa i rukom chna sarok ha kylleiñ ki thaw hapoh ka jylla khamtam u sarok NH40E wa dang dep chna ha kini ki kajiak ha ki bynta wa nadooh na Nongtalang cha Dawki uwa da chna ha i dor wym duna ya T. 43.70 klur na ka sorkar India.
Tangwa da khyrngiat won wa uni u sarok da sih biang u wei da man u kamwa jooh hi kam ha ki por wa sih u chwa u chna ini wa dep iwa du 3 bnai nachwa donhi.
Ka seiñ da chem ko leh wa uni sarok toh u wym biang ki nala kiwa toh u em ha rood sarok wei kamjooh leh i rukom pynkreh ya oo leh ymtoh iwa biang.
Ka seiñ da dawa ko na ka chnat PWD kawa pait ya uni u sarok wow pynkreh biang ya oo deiwa rap biang chooh chooh deiwa pynbiang ya ki dooid khnang wow lait ka um u lai na sarok neibhah ka um da khloh lut ko yei psiang.
Ka seiñ heijooh i por da pyrchah joor ko ya ka Company wa chna ya uni u sarok kawa da siang psiang heipor slap heithaw u yang hadooh wa khooid i suiñ bneiñ yow lait na i chah ktah u sarok.
