Mynsoo 9 ngut ki pulit wei da em leh kiwa thmu wow thang ya ka thaw pynman Public Hearing, ong u SP ka East Jaiñtia

U SP ka East Jaiñtia Hills, u Jagpal Singh Dhanoa ha ka kyrwoh wa da phah u da ong wa ynne ha ka Public Hearing wow pyneh yei bor pynmih khyndaw-bilat kamjooh yow booh ya ka 10 MW Captive Power Plant waka 9.5 MW WHRS ka Meghalaya Cements Limited wa em ha Thangskai da em kawa 100-150 ngut ki paidbah kiwa da wan wow pyrchah ya kani ka Public Hearing.

Kini ki bru da lai tympra ki leh ya ka dara wa ki chuki wei da em leh i thmu wow thang ya kani ka dara wa da chna yow pynman ya kani ka Public Hearing, tangwa neidaw wa em boon ki kynthai wa ki khynnah, ki pulit ym em da pynyoo bor ki yow tympra yow beh ya kini kiwa pyrchah.

Na ini i daw da hap wow rah ya ka Public Hearing hapoh kawi ka Hall wa em hapoh ka kani ka karkhana hi.

Heipor 2:00 waje i sngi, kini ki paidbah da toor ki cha kani ka thaw thymme wa pynman ya kani ka Public Hearing dei thmu wow tympra sa ya kani ka thaw wei wow pynmynsoo bru leh wei neiliang ki pulit da kyrpaad ki ya ki paidbah wow man kiwa jai-jai tangwa da em kiwa sdang wow kawang moo iwa da booh hei maa ya waroh kiwa em nadooh ki khlieh District, ki pulit wa ki paidbah kamjooh.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Kamtæ da pynyoo bor deiwa kat u biang yow ye u tympra wei wow beh ya kini ki paidbah, da ong u SP.

U SP da pyntip u wa ha ini i jia da em 9 ngut ki pulit wa da mynsoo wei da Register ya ka Case ha Lumshnong Police Station hapoh ki kyndon 143/144/145/148/152 ka IPC wei ka takit dang leh ko chakhmat.