Chah e FIR u Managing Director ka Topcem deilang wa kiwi de kiwa kreh

U Managing Director ka Topcem Cement deilang wa kiwi kiwa kreh kani ka karkhana da chah e FIR ki ha uwa chong chnong ka Khliehriat West, u Ency Shadap yei pynchlur wei pynchit ki yow dat u bom ya kiwa chong chnong ha ka 24 tarik uni u bnai heipor wa pynman Public Hearing ka Meghalaya Cement Ltd hei thaw wa em kani ka karkhana ha Thangskai, East Jaiñtia Hills.

Ha ka FIR da ong wa katkam ki sabut wa da yoo na ki Video kiwa da mih wa heipor wa sympat lathi ki pulit ya ki paidbah, da wan u Managing Director wa kiwi kiwa kreh ka Topcem heiwa yei dur ki da chynna kdar kiwa da ong “Maro maro pakro pakro sale ko, khatom karo, khatom karde sale ko. Hey Bh****ud, haram jada sala”.

Da ong wa kini ki kyntien wa da mih na uni u Managing Director wa kiwi de kiwa kreh toh iwa da pynchit yow dat u bom ya ki paidbah kiwa da wan wow pynyoo yei pyrchah ya kani ka Public Hearing.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Kamtæ da kyrpaad ya u Officer In-Charge ka Lumshnong Police Station wow pynchitom wei wow kem ya uni u Managing Director wa kiwi de kiwa kreh ka Topcem deiwa pynngat hapoh ki kyndon ka aiñ wow pynchit yow pynmynsoo ya kiwa chong chnong.