Lada kyntait ki Bank ya ki kot ka KHADC, daw khang syndon ya ki katkam ka aiñ: CEM

Hadien wa da yoh ujor na ki paidbah wa kiwa boon ki Bank da kyntait ki ya ki kot ki sla wa da e da ka KHADC wow pynskem yei man tre thaw ki, neiliang u CEM ka KHADC, u Pynïaid Sing Syiem da khut yachem u ya ki Bank heiwa da wan kiwa mihkhmat SBI, Axis Bank wa HDFC katwa kiwi won ym em wan ki.

U CEM da pynche u wa u KHADC da em ko ya ka aiñ wa da mynjur da u Lat ka jylla, wei hapoh kani ka aiñ wa tip kam ka Khasi Hills Autonomous District Council of Rules and Regulations of Land Act, 2021, ki Bank ym ye ki wow kyntait ya ki Land Holding Certificate wa da e wei da pynskem da ka Council.

Hajrong ini, da phah u ya u Secretary yong ka chnat wa pait yei thaw i bhaw wow thoh wei wow phah ya ki Circular yong kani ka aiñ cha ki Bank wei lada hadien ini da chem wa dang em ki Bank wa kyntait ya ki kot man tre thaw wa da e da ka Council, daw pynkrehkaam bait ya ka aiñ Trading by Non-Tribal Act wow phah khang noh ya kini ki Bank.

Chooh chooh da pynche u wa hapoh kani ka aiñ da em ki kyndon wa da kdaw che wa hadooh ki kot Pata wa da e da ka Council hap wow pdiang da ki Bank yow pynchah ki bru hawa chim ram ki neibhah da e ya kini ki kot ki sla hadien wa da dep wow pynbiang ki tre thaw ya waroh iwa emkaam u leh ki.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da ong u leh wa ha kani ka Land Act, 2021 toh kawa pynskem leh ya ka dustur ka riti wow man tre yei khyndaw u chyiap nadooh ki thaw wa em cha sor nadooh ki thaw ki kur, ki raij wa kiwa em cha khappood wei ya kiwa em cha khappood pathan ym emkaam tang u su ki leh ya ka bai Register khamtam kiwa kajia pood.