Ynnin ka sngi, ki khynroo kiwa na ka chnong Moochrot da lai ki wow e sñiawbha da i khyndaw-bilat 20 churia cha kawi ka skur kawa dang chna thymme ha chnong Mowluber, West Jaiñtia Hills District kawa dang haap ha ki thaiñ Block-I.
Kini kiwa chi lok kynthup ki ya u Franky Lyngdoh, u Justice Paul Lyngdoh, u Romingstar Lamare, u Remdor Lyngdoh wa u Kamio Biam.
Kani ka skur toh kawa dang sdang chna wot kawa du ar kamra donhi neibynta ki khynnah khian yong katai ka chnong yow yoh ki u lai skur wei da pait ya ka da ka Balang Presbyterian Mowluber deilang wa ki waheh katai ka chnong.
Neidaw wym em skur ha kani ka chnong, ki bei ki pa ki khynnah da chem chitom ki wow phah skur skur ya ki khon wei kiwa boon hi ki khynnah ym em lai skur neidaw wa da jngai ware ki skur deiwa hap wow lai cha ki chnong wa em marjan.
Kamtæ neiliang yong kini ki khynroo da kyntu wei kyrpaad ki ya kiwi leh ki lok wa ki seiñbhalang wa ki bru samen wow sñiawbha wow pait lang ya kam kini ki bynta wa emkaam kyrpang yei yarap deiwa e ya ka kti timun wa tidiang wei wow noh kyllooid mynsien cha katai ka skur yow kyntu ya ka puræ puthi yong ki para i ha katai ka thaaiñ.
Lada em kiwa kwah wow e yarap ye ki wow Phone ha u Secretary yong katai ka skur uwa man leh kam kam uwa sikai wa uwa pait ya ka skur, u Wadjingsuk Biam deiwa Phone ha uni u Number- 8787780858.
Discussion about this post