Chah kem u heh ka HNYF wa dawa poisa na ki Truck wa lai naka yingkieñ Umiam

Ki pulit ka East Khasi Hills ynnin i janmiet da kem ki ya u Bless Dkhar, President ka Hynniewtrep National Youth Front (HNYF) neidaw wa chah pynbaad wa dawa poisa na ki Truck kiwa kit palat pood kiwa lai na Damsite naka yingkieñ Umiam.

U Bless Dkhar da chah pynbaad u wa khrong poisa u ₹1500 kawi ka Truck yow yoh ki wow lai luti naka yingkieñ Umiam.

Yeini da pyntikna da u Superintendent of Police (City), u Vivek Syiem heiwa da pyntip u wa ya u Bless Dkhar da kem ya oo na Pohkseh ynnin da ki pulit ka Laitumkhrah Police Station.

Neiliang ki Laitumkhrah Police Station da ujor hi ki da ka Suo-Moto Case pyrchah ya uni u heh ka HNYF-East Khasi Hills hadien wa poor ka Recording i yaklam Phone u heiwa da chemdien wa u Bless Dkhar da emkti u ha ini i khrong poisa.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Ha kani ka Recording, da sñiaw yei yaklam u Bless Dkhar wa uwi u bru wow yaklam dor yow yoh ka Truck u lai luti naka yingkieñ Umiam.

Katkam kani ka Recording, u Bless da yaklam dor u deiwa kylli lada ka kari toh yong ki bru samen namo ka yong ka Food Corporation of India (FCI) kawa kwah wow lai na kani ka yingkieñ.

Kam wow pynkynmoo wa ka High Court ka Meghalaya ha u Wisu (Mar) 2022 da phah ko ya ki bor sorkar yow khang ya ki Truck wa kit palat 10 MT wow lai na ka yingkieñ Umiam.

Yeini da leh neidaw wa da tlot kani ka yingkieñ hadien wa em wa yaleh PIL neibhah wa joor boon ki kari wa lai na kani ka yingkieñ.