Ka Joint Action Committee (JAC) yong ki seiñ wa em ha ka skurbah North Eastern Hill University (NEHU) wa kynthup ya ka NEHUTA, NEHUNTA waka NEHUSU da kyntait ki wow ya embynta ha ka yalang yong ka Academic Council wa da khut da u Vice Chancellor, u Prof. Prabha Shankar Shukla ynne ka sngi.
Ini wym bien ka JAC wow ya krehlang toh hadien wa leh mutlop u VC wow chim ya ki phang wa da dawa ka JAC kiwa da booh ki khamtam wow dawa pyndam kreh noh ya u Rohit Prasad uwa da chah pynbaad wa da thung kreh pyrchah ya ka aiñ yow man kam u Technical Officer Senior Consultant da u VC.
Ynne ka sngi neiliang ka JAC da lai ki wow sai lut ya ki dkhot kiwa embynta ha ka Academic Council wym toh u ya chimbynta ki ha katai ka yalang heiwa da kbai leh ya ki kyntien beiñ ya u VC.
Discussion about this post