Chem ki pulit yei metyap ka kynthai Mizo kawa lai puræ PhD ha Punjab

Ka Lalnunthiangi kawa tip leh kam ka Anuni (33 snem) kawa na Mission Veng, Aizawl, Mizoram kawa lai puræ PhD ha ka Biotechnology ha Thapar University wa em ha Patiala, Punjab da wiar ko nadooh i miet ka 28 tarik u Naichiphaw deilang wa arngut ki lok yong ka.

Ha katai ka miet dang yaklam ko waka bei ko hadooh 9:40 dep neitæ ym em de u yoh u yaklam wa ka heiwa ki pulit da pynman ki yei thooh wei ha ka 29 tarik da chem yaka muna kini ki 3 ngut deilang wa ki Identity Card najan ka nala wa tip kam ka Bhakra Canal.

Kamtæ da sdang wow thooh ya kini cha ki nala wa em cha jan deiwa suba ki pulit wa ye u man wa chah tyrrah ki.

Nyngkong da chem chwa yei metyap ki arngut ki lok ko napoh um kani ka Bhakra Canal tangwa ya ka Anuni won ym em chem ka.

Related posts

Chah tooh ka ‘Grotto Chapel’ deiwa chah rah ka Laptop wa ka poisa kynchew

November 26, 2024

Yoh kem drugs kiwa chong chnong ka Namdong

November 23, 2024

Ha ka 2 tarik won heipor kamwa 11:00 waje i miet da chem yei metyap kawi ka kynthai rap cha wah neiwa chem chwa ya ki arngut iwa da chah rah ha ka um wei i metyap da man i iwa da pyut bha.

Ya ini i metyap da pyntikna toh i yong ka Anuni da kiwa ha-yung ha-sem yong ka wei da rah ya ka cha Hospital yow pyndep ya ka Post-Mortem heiwa ki pulit da suba joor toh wa chah tyrrah ki.