Hadien palat ar tayaaw i sahkut ki 41 ngut hapoh ka Silkyara Tunnel wa em hapoh ka jylla Uttarakhand neidaw wa oor i bynta kani ka Tunnel, ynne da ye wow sai ya waroh kini ki 41 ngut wei da man ki kiwa chait wa khiah.
Hawa kut kiwa pliah wow tih da iwa tip kam i Rat Hole Mining kiwa em 6 ngut da ye ki wow tih ya iwa dang sah sa kamwa 10-12 Meter yow poi cha kini kiwa sahkut hadien wa ka kor Auger da sih ko hawa tih thlu yow poi cha kini kiwa sahkut deiwa siam ko kamwa 47 Meter.
Deiwa siam kani ka kor da ye leh wow pynpsiah ya uwi u Pipe yow psiah kini kiwa tih heiwa ya u moo i khyndaw da ye wow taan ki cha lait lyngba ka kynja kari wa em chaka.
Ya kiwa sahkut leh da sai ya ki deiwa pynthiah ha ka Stretcher kawa em chaka yow suk u taan ki cha lait.
Kam wow pynkynmoo wa hei step ka 12 tarik heipor kamwa 4:00 waje da oor moo, oor khyndaw ha i bynta wa jngai kamwa 200 Meter nei thaw psiah cha kani ka Tunnel wei ini i khyndaw wa u moo wa oor toh iwa jrong kamwa 60 Meter iwa da hap wow sai tangwa neidaw wa heipor wa sdang tih ya ini waroh da mih ki dak ki chin wa ye u oor chooh chooh kamtæ da thooh laad kammon u tih yow lait u oor chooh i khyndaw wei da wanrah da ka kor Auger yow siam thlu ko khlem da pyntlot chooh ya ini i bynta wa oor.
Discussion about this post