Ka seiñ kieñ suloi wa rim dooh ka jylla Manipur kawa tip kam ka United National Liberation (UNLF) da wan pyndem suloi ko hadien 60 snem i yaleh wei yeini da pynbna leh da u Montri ka chnat Kaam Pohyung ka ri, u Amit Shah.
Ka UNLF da ya soi soskular ko wow yasuk noh wei kani man ko leh ka seiñ yong ki jaitbru Meitei kawa jooh yahkhmat da u RK Meghen uwa da mih noh napoh kani ka seiñ da boon snem heiwa da piah ko da boon tylli ki chnat hadien ini.
Ka UNLF da yaleh ko yow yoh yei synchaar laitlooid hapoh Manipur deiwa mih noh napoh ka ri India wei da seiñ ya ka haka 24-11-1964 da u Arambam Samarendra Singh.
Ka UNLF da man ko kam kawi na ki seiñ Metei wa da e pyrtuid ka sorkar pyrdi kam ki “Meitei Extremist Organisation” kiwa da khang da ka Ministry of Home Affairs san snem iwa da pynbna haka 13 tarik uni u bnai.
Neiliang u Amit Shah da pyntip u wa ya kani ka soskular yasuk da yasoi ynne ka sngi ha New Delhi wei da pdiang sñiawbha u leh ya ki dkhot ka UNLF wow psiah biang ki cha ka imlang sahlang.
Puræ leh: Pynbna ka sorkar pyrdi yei pyrtuid ki 9 tylli ki seiñ ka jaitbru Meitei kam ki seiñ pyrchah ri
Discussion about this post