Sniawbhalang Football Tournament: Jop ka Mynsngat yaka Wahiajer

Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa khad-ynru ynne deiwa pynman biang soo tylli ki yalehke.

Ka yalehke wa nyngkong da kut ko da 2-2 hapyrdi ka Mukoh waka Sanaro. Ya ka Mukoh da thap kool da u Rones Phawa haka minit wa 29 wa u Jubab Pohleng haka minit wa 55. Ya ka Sanaro da thap kool da u Mihsalan Talang haka minit wa 22 wa u Nijur Syntem haka minit wa 35.

Ka yalehke wa ar da kut ko da 0-0 hapyrdi ka Lapangap waka Thadmynri.

Ha ka yalehke wa le, da jop ka Mynsngat yaka Wahiajer da 1-0 lyngba ka kool wa thap u Nangpynshai Dkhar haka minit wa 26.

Related posts

Psiah Final ka Jai Jai United wa ka Sakhaiñ Mooliment ha ka 2nd Division ka SBSA

October 11, 2025

Jop ka Tyrshang wa Dongmihsngi ha ka 1st Division ka TSA

October 11, 2025

Ka yalehke wa soo leh da kut khlem em wa jop hapyrdi ka Umladang waka Myrjai da 2-2. Ya ka Umladang da thap kool da u Shanbhahki Khongjoh haka minit wa 4 wa u Rimius Ryngkhlem haka minit wa 26. Ya ka Myrjai da thap da u Lamphrang Kyndait haka minit wa 22 wa u Jumonki Phawa haka minit wa 63.

Ki yalehke mynstep u pynman biang soo tylli deiwa sdang biang nadooh 8:30 i step hapyrdi ka Namdong-A waka Mookhnang, heipor 10:30 daw yachem ka Nongrim Bamthong waka Khliehriat, heipor 12:30 pyrdi sngi won, ka Lumrot u yachem ko waka Madanrtiang wei daw pynkut da ka Kdiap waka Mookjat heipor 2:30 i sngi.