Ka Shillong Lajong da lait ko nei rem deiwa thap kool chwa u kut lyngba u Daniel Goncalves yow pynkut yaka yalehke da 1-1 pyrchah yaka Rajasthan United kawa da pynman ha Hyderabad ynne i miet.
Ka Lajong da chah thap ko haka minit wa 9 lyngba u Richardson Kwaku Denzell wei da yaleh ki wow su kylliang wei wow thooh laad katwa ye tangwa ym ye wow pynkhih yaka jaar kut wa yoh laad ki.
I kreh chitom ki ym em sepai i wei ha ki bynta wa da e por pyntam haka kylla miet, u Daniel Goncalves da thap u haka minit wa 97 yow pynyoh yaka Lajong chi Point.
Hanla ym em jop ynne, ka Lajong waka Mohammedan Sporting toh ki liang ki wym pu em rem chisien leh wei da yoh ka Lajong wow em hei wa soo i boon Point.
Ka Lajong da em ko kattu 13 Point na 7 tylli ki yalehke deiwa jop le sien wei ya Drawn soo sien.
Kattu ka Lajong u liwan biang ko cha yung yow yachem waka Churchill Brothers kawa na Goa haka 6 tarik heipor 2:00 waje i sngi ha SSA Stadium, Shillong.
Discussion about this post