U CEM ka JHADC, u Thombor Shiwat hawa wai yaka yung krehkaam wa thymme ka Council da pynsñiaw u yei sñiawsih neidaw wa kiwa kreh boon ym bien ki wow wan embynta ha kani ka yalang wot hadien wa da dep pyntip cha kawi pa kawi ka chnat wa da em hapoh ka Council deiwa pynrap wa ka EC daw leh ko katkam i bor ko ya waroh kini ki chnat.
Da kyntu u ya kiwa kreh ka Council wym toh u pynman Politics yei dooh tulop, wow chim kabu nadooh ki sahep wow yah bakla ya kiwa kreh neibhah ka EC ym em chong kli kti ko hadooh wa mar ya poi cha Shillong mar ya oo ya ki MDC da ong ki dapoi kiwa khrong wei man iwa sñiawsih wa da mih kam ini i kyntien tangwa kattæ leh hap wow leh yei kaam neibhah ini ymtoh i lai khrong tangwa i lai dawa yow yoh yaka hok ka bhah ka yong ka Council.
Kamtæ da ong u leh wa hadooh ynne wa wai ya kani ka Additional Office Building ym em khut ki da ki Montri ka sorkar jylla neibhah wym yoo yeitæ i kitkhlieh neibynta i yoh i dooh wa iwa emkaam ka JHADC, neibhah yeini waroh da leh da pyrkhat wei da pynmih poisa deiwa krehlang para MDC yow pynmih poisa deiwa ah poisa kajiak kajiak yow ye u pyndap u pynyieñ ya kani ka yung.
Da ong u leh wa ini waroh wym yoh tulop ymtoh wa leh chynnam neibhah kiwon ki MDC wa kwah wow lai yaleh Election deiwa ong ki bru kitai toh ki MDC sah tulop. Wei da yaleh katwa wow yaklam waka sorkar yow pynlait noh yaka bhah ka hok ka Council.
Da pynche u leh wa ka poisa wa chna ya kani ka yung krehkaam wa thymme toh kawa wan naka Grant ka sorkar pyrdi ymtoh kawa ye wow pynlai cha ka tulop kiwa kreh wei da dep ngat u da ka mukotduma chisien hadien wa chah pynbaad wa pynlai yaka poisa ka sorkar pyrdi wow e tulop ya kiwa kreh.
Puræ leh: Wai ka JHADC yaka yung krehkaam wa thymme neibynta ki EM wa u CEM hei lut wa Rs. 3.38 klur
Discussion about this post