Kiwa kreh haka chnat DHS kiwa da chah thung kreh kam ki Frontline Workers heipor yong ka khlam COVID-19, hadien wa maham ki wow pynman yakhih neidaw wym pu yoh yei su tulop, da yoh laad ki wow yachem markhmat wa u Montri Rangbah ka jylla, u Conrad K Sangma, uwa da kular wow su lut noh iwa dang sah hapoh ka 10 tarik uni u bnai.
Chwa ynne, kiwa kreh ka chnat da maham ki wow pynman dei chah thngan wa khlem booh pood nadooh ka 15 tarik uni u bnai lada ka sorkar ym pynlait noh ko yaka tulop ki hapoh ka 11 tarik uni u bnai.
Kini kiwa kreh da chim ki ya kani ka rai neibhah da sah ka tulop ki kattu la 6 wei da rai leh wow pynman yei chah thgnan nadooh 15 tarik hakhmat ka khyrdop yong ka Main Secretariat.
Katkam i khana u Kasparlin Iawphniaw, heipor wa wan ban ka khlam COVID-19, ka chnat DHS da thung ko hadooh 180 ngut ki bru wow kreh kam ki Emergency Care Staff haki Hospital wow yakhun yaka khlam wei ha u Naikhynde uni u snem, ka chnat da pynkut noh ko yei kaam wa kreh ki tangwa ka tulop kawa 6 bnai itæ hadooh u April 2023 kawa dapoi kamwa Rs. 2 klur waroh, ka sorkar ympu em pynlait ko, iwa da pynman ya ki wow mih dawa naka sorkar wow su noh hapoh ka 11 tarik uni u bnai.
Discussion about this post