Ki Khasi, ki Jaiñtia, ki Garo yatylli ki yow yoh jylla Meghalaya, dawa ka BJP wow pynkylla yaka State Anthem

Ka BJP Meghalaya da sñiaw diaw ko yei wym em kynthup lang ya ka ktien na Ri-loom Jaiñtia hapoh ka Meghalaya State Anthem kawa da pynmih kam chibynta ka 52^nd Meghalaya Day ini wa dep.

Ka BJP da ong ko wa kitu kiwa da yoo kiwa yoh u sñiaw ya ini i sur da tip ki wa da rwai hei ktien Khasi, Garo deilang wa i ktien English katwa ka ktien na Ri-loom Jaiñtia ym em mih ko.

Chooh chooh ka BJP da pyntip ko wa haka yalang ki Montri yow yoh yei mynjur ya ki kyntien wa da pynemkaam ha kani ka State Anthem, neiliang u MLA ka BJP uwa man leh kam u Montri sorkar, u AL Hek da yieñ skem u wa ym man wow pynmih paidbah yaka State Anthem khlem da emlang wa i ktien i thylliej napoh Ri-loom Jaiñtia wei kiwa chna ya ini i sur toh u thoh ki deiwi. Tangwa ini waroh ym em wa ap ki da kiwi kiwa emlang ha kani ka yalang.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Neiliang u Mariahom Kharkrang, uwa e ktien ka BJP Meghalaya, da ong u wa man iwa sñiawsih wa kawi na ki ktien wa da klam hapoh ka jylla da chah ieh mylliñ ko wei ymtip deiwa leh chynnam næ deiwa leh bakla, tangwa iwa tip tikna toh wa emkaam wow pynemkaam leh yei ktien kiwa na Jaiñtia.

Kamtæ da dawa wow pynbait smat yeini yow embynta waroh yow lait u ktah yei sñiaw yong kiwon kiwon. “Ki Khasi, Jaiñtia, ki Garo toh kiwa da ya tylli yow pynmih yaka jylla Meghalaya kiwa em ka parom yakhih yow yoh jylla kamtæ waroh emkaam ki i bynta yow mihkhmat ha ka Meghalaya State Anthem,” pynkut u Kharkrang.