Ka Congress Meghalaya da beiñ ko yei wym em da kynthup lang ya ka ktien na Ri-loom Jaiñtia hapoh ka State Anthem ka Meghalaya kawa da pynlait paidbah haka 20 tarik uni u bnai.
Ka Party da dawa ko wow pynbait smat yeini khlem da pynslem.
Kani ka State Anthem toh ka sur wa da rwai hei ktien Khasi, English wa Garo donhi.
Neiliang u President ka MPCC, uwa man leh kam u MP, u Vincent H Pala da ong u wa kani ka sorkar ym em chimkhia ko yeini wei da e kti wow chna yeini i sur ha ki bru wym tip.
Da ong u toh u e kti ha ki bru wa tip wa sñiawthooh yaka dustur riti wa i parom ka jylla ymtoh ha kiwon kiwon hi-eh.
Kamtæ da ong u wa ka sorkar dang ye ko wow pynbait yeini deiwa kyntu leh wow pynbait yeini.
Discussion about this post