Ka East Jaiñtia District Cricket Association (EJDCA ) da e khublei ko ya u Kishan Lyngdoh uwa yalehke Cricket uwa da mihkhmat yaka Meghalaya kam u Captain ka jylla haka Ranji Trophy 2024 kawa da pynman da ka BCCI.
Hei yahkhmat u Kishan Lyngdoh, ka Meghalaya dapoi ko chadooh ka Final hei sien nyngkong tangwa da rem noh ko haka Hyderabad.
Ka EJDCA da ong ko wa ini da pynyoh mynsien i ya ki khon khynroo yong ka jylla wa em ka laad u poi ki chisien ka sngi u mihkhmat ki yaka ri India.
Da e yaroh leh ya u Kishan Lyngdoh yei lehbha u ha kani ka Tournament uwa da yoh hei wa ynñiaw na waroh kiwa yalehke deiwa kamai 695 Run na ki 7 tylli ki yalehke deiwa yoh boon dooh u 268 Run.
Ka EJDCA da kyntu ko leh ya ki khon khynroo wow mih ki chakhmat yow ya chimbynta wow yaleh Cricket wei da pyn-eh-daw leh ya u Kishan Lyngdoh wow nang lehbha chooh chooh u ha ki Tournament kiwa dang em chakhmat neibhah haka IPL 2023 u Kishan Lyngdoh da wan u haka Second List wei em kyrmen wa myntu u snem u wan u haka First List haka IPL.
Ka Wyrta na u Secretary ka EJDCA, u Tnebha Phawa.
Discussion about this post