Heiyatoh wa i chah tynyap u khynnah skur wa dang 10 snem uwa tip kam u Kitdorlang Marbaniang uwa da chem na kpær u Comand Nongrang ha Umtyngar, Ri-Bhoi District heiwa ki pulit da kem ki ya ar ngut kitæ u Pynshailang Warjri (32) wa u Banshngai Tyngsong (28) kiwa sah ha Umtyngar.
Hei takit ki pulit ya kini kiwa chah kem, da chem wa uni u khynnah da sah u ha iwi i trep yong uwi uni uwa suba wa emkti ha ka janmiet ka 17-02-24.
Hei step ka 18 tarik da mut u uni u khynnah wow yut deiwa rahlang wa u klong kiad yong uwi na kini ki bru.
Deiwa chrai, u Banshngai Tyngsong deilang wa uwi u bru da kdong ki ya uni u khynnah wei da tynyap ki oo deiwa tymmoh yei khlieh u da kawi ka muna.
Kini ki bru da murieh ki yei metyap ha iwi i khloo wei hadien da rah ki yei metyap cha i kpær u Comand Nongrang.
Ki pulit da phah pynyoo ki leh ya kini wa leh ya ini i kaam wei da pynyoo ki leh wa kammon da leh ki yeini.
Kam wow pynkynmoo yei metyap u khynnah da chem haka 18-02-2024 heipor 7:00 waje i miet wei da wiar u nadooh ka 17-02-24.
Discussion about this post