Ynnin ka sngi, ka Mustem Teachers’ Association da pynman ko yaka Joint Sports Meet ha madanbol Mustem heiwa da em khynde tylli ki skur kiwa em hapoh ka chnong Mustem kiwa da ya wan chimbynta.
Da wan wai ya kani ka Sports Meet da u R. Synjri, District Sericulture Officer ka West Jaiñtia Hills wei da pynlai ya kani ka yalang wai pyrda da ka Eliza Dan, Asst. Secretary heiwa da yoh yei klam pdiang burom na ka Manlak Shylla kawa man leh ka Chairperson ka Association.
Neiliang u kongsan hawa e yei klam da yaroh u ya ka Teacher’s Association yeiwa ye ki u pynyachem lang ya ki skur lyngba kani ka Sports Meet wei da kyntu u leh yaki khynnah skur u pynmyllien ki ha ki kaam Sports yow man ki kiwa smat wa stiñ kamjooh leh yow nang ku ki hei puræ puthi.
Kani ka Sports toh kawa ar sngi wei da man ko kawa chongchit heiwa ki khynnah nadooh kiwa hapoh phra snem, ki Sub-Junior, Junior wa ki Senior kynthai wa chynrang da ya chimbynta chitrhem ki ha kiwa boon tylli ki jait yalehke.
Discussion about this post