U Chief Electoral Officer (CEO) ka jylla Meghalaya, u Dr. B.D.R. Tiwari da pyntip u wa ka chnat Election da paitbniah bha ko yei yalap Election yong ki seiñ saiñ pyrthai waphær waphær khamtam kiwa ye u wanrah yei pynchit.
Hawa yaklam wa ki laad pathai khubor, u CEO da ong u wa ki bru wa pait wa sylli neibynta ka Election toh kiwa da khreh wow lai smat lada jia iwon iwon kamjooh lada jia wa em kiwa tyngkheiñ aiñ yalap Election namo ka Model Code of Conduct (MCC).
Da ong u leh wa da em ki ujor hajrong i tyngkheiñ ya ki kyndon ka MCC wei ka chnat Election da bichaar ko ya ki. Chooh chooh da ong u wa da paitbniah bha leh ya ki rynsan Social Media heiwa kammon da pynemkaam ka wow yalap Election.
Heijooh i por da pyntip u wa em palat 21,000 ngut kiwa thap Vote kiwa leh da ka Postal Ballot wei da em leh 6000 tam kiwa kwah wow thap Vote na yung khamtam kitu kiwa da heh rta wei kani ka thap Vote da ka Postal Ballot da sdang ko nadooh ka 8 tarik wei da kut ka haka 13 tarik uni u bnai.
Heiyatoh wa ki bru wow pait yei krehkaam ka aiñ, da em 40 Company ki CRPF wei na kini da phah 22 Company ha Shillong Parliamentary Constituency wa 18 Company won cha Tura Parliamentary Constituency.
Ki kor EVM da em ki 3512 tylli najrong 32% kiwa da pynyang chwa ya em iwon iwon i thut.
Discussion about this post