Hadooh 340 tylli ki kuli siat lieñsuiñ yoh ki pulit ka South Garo Hills

Ki pulit ka South Garo Hills da chem ki hadooh 340 tylli ki kuli siat lieñsuiñ namo ki Anti-Aircraft Ammunition na ki soo tylli ki synduk thap kuli na iwi i khloo hapoh South Garo Hills ynne i step.

Kini ki kuli da yoh da ki pulit ka Chokpot hadien wa yoh yutip wa em wa tlep kuli ha ki synduk wei da murieh da ki damok hajan i khloo ha chnong Chibokgre ka chnong wa haap hapoh ka Chokpot Police Station, South Garo Hills District.

Da ong wa heipor 1:15 i step ki pulit hapoh i yahkhmat u SDPO Chokpot, chirup wa u CI Sadar, OC Chokpot, I/C BDDS wa 3 ngut ki pulit da lai ki cha ini i khloo wei hadien wa thooh slem bha, heipor kamwa 3:27 i step da chem ya kini ki kuli wa da tlep hapoh khyndaw hapoh ki synduk.