Ki pulit ynne ka sngi da kem ki sa ya uwi u dkhot yong ka KSU hajrong i suba wa ye u wow emkti hei bom yap yaki baar jylla, tangwa hadooh kattæ ympu tip che lada toh i jia ha Ichamati næ ha Mawlai Mawroh.
Hadooh kattæ ki pulit da rah ki la 5 ngut ki dkhot ka KSU hei suba bom yap yaki bar jylla, heiwa 3 ngut da rah hajrong i jia haka thaaiñ Ichamati iwa da jia haka 27 tarik u Wisu (Mar) wei uwi won da rah hajrong i suba emkti ha i jia ha Mawlai Mawroh Umsohkhlur, iwa da jia haka 10 tarik uni u bnai.
Katkam ka khubor wa da yoh, da pyntip wa uni uwa dang dep chah kem toh uwa yahkhmat ka KSU Jaïaw Circle wei da kem ya oo na Jaïaw heipor kamwa 3:00 waje i sngi wei da rah noh cha Sadar Police Station.
Mar ya tip yeini wa chah rah sa uwi u dkhot ha ki pulit, kiwa yahkhmat yong ka KSU dapoi ki cha thanat wow yachem ya oo tangwa ki bor pulit ym chah ki ya kiwon kiwon wow yachem ya oo.
Neidaw wa em kiwa yahkhmat ka KSU, neiliang ki pulit ka Sadar Police Station da khang noh ki ya kani ka thaw wei da pynkhlan leh yaki bor pulit wow yada ya kani ka thaw yow lait na iwon iwon i jia.
Discussion about this post