U Chief Minister ka jylla, u Conrad K Sangma ynne da yada u ya u Deputy Chief Minister, u Prestone Tynsong yeiwa klam u heiyatoh wa kiwa sikai Deficit kiwa pynman yakhih kattæ, deiwa ong wa ini iwa klam u ye wa em kiwa chim ki deiwi tawon khlem da sñiawthooh hajrong iyi i daw wa da ong u yeini.
U Conrad da ong u wa u Prestone ye u leh wow pynche chooh chooh yow sñiawthooh ki bru yeiwa da ong u deiwa pynrap em ki kyntien wa klam u kiwa ye wow ktah yei sñiaw kiwi.
Tangwa da kyntu u ya ki paidbah wow sñiawthooh ki yeiwa ong u Prestone deiwa kdaw wa ki mat wa klam toh neidaw wa ktah ki leh ya kiwi won.
Heiyatoh won wa i dawa wow hiar chuki u Prestone, u Conrad da ong u wa i wym emkaam wow dawa kam itæ neidaw wym yahaap.
Da ong u leh wa ha ki kaam chakri paidbah da mih boon ki dawa na kiwa boon ki liang wei kam ka sorkar u pteiñ i kreh neibynta i bha i miat ki paidbah.
Da pynkynmoo u wa ka sorkar da ye ko wow pynhun ya iwa boon iwa da dawa na ka wei ya kiwa dang sah leh dang pait ki.





Discussion about this post