U Montri Rangbah ka jylla, u Conrad K Sangma ym em klam che u iyi iyi yei rai na ka sorkar hajrong i dawa kiwa sikai Deficit tangwa da kyntu wow wan yaklam yaphyllu yow pynbait yeiwa eh.
Hawa klam ynne ka sngi wa kiwa thoh khubor, u Conrad da ong u wa ka sorkar dang thooh ko ki luti kiwa biang tam, wei kwah u wow yaklam wa kiwa sikai yow thooh ki laad ki luti kiwa yatoh wa i eh yong kiwa sikai.
Da ong u wa kiwa sikai skur Deficit da su tulop ka sorkar wei da pynlai da ka Managing Committee yong ki skur wei ya kani ka rukom da sdang nadooh i por ka sorkar pharæng wei da pteiñ hadooh ka sorkar Assam wei hadooh kattæ.
U Conrad da ong u wa ka sorkar dang thooh ko ka luti yow pynbait yei eh yong kiwa sikai wei burom u yei sñiaw kiwa sikai tangwa dang jwat wow chim rai, neibhah hap wow pynchong yurim bha chwa.
Da khut u leh ya kiwa sikai wa ki Managing Committee wow ya krehlang yow tei ya ka mynried ki khon ki kti.
Heijooh i por da ong u wa em kiwa sikai College kiwa yoh Rs. 4 lak tam chi bnai iwa heh bar ya ka tulop u Lat ka jylla.





Discussion about this post