Ka seiñ Hynniewtrep Integrated Territorial Organisation (HITO)-West Jaiñtia Hills hapoh i yahkhmat u President yong ka, u Owan S Paswet chirup wa u Vice President, u Deibormi Siangbood da lai yachem ki wa u DC ka West Jaiñtia Hills District hejrong i chem chitom kiwa chong chnong ha Jowai heiyatoh wa u kum Gas LPG.
Ka seiñ da ong ko wa da yoh ujor ko na ki kattu katni heiyatoh waka Home Delivery ya u kum Gas heiwa ki Agency boon wym ye ki u wan booh ha man ki thlu yung kamwa toh u leh ki tangwa da chim ki yaka bai kit hadooh wa poi yung wei ini da pynsepai i yaka poisa ki bru.
Chooh chooh ka seiñ da dawa ko wow pynbiang yaki thaw sangeh ki Truck kit kum Gas dei wym jngai palat 50 Meter na kawi ka Station ha kawi ka Station khnang wow smat kiwa kit wa bah yow kum Gas heipor wa pynpoi ya oo.
Khaddooh neibynta i chngaaiñ (Safety) kiwa chong chnong ka seiñ dawa ko wow pyntikna wym hoi u em u kum Gas uwa liat la’ær namo uwa Leak namo uwa sma.
Discussion about this post