Lai ah, lai khyndang lai tympiah ki pulit ya ki tala wa khang ka KHADC ya ka thaw kreh Shillong Ropeway

Ynne ka sngi, ki pulit ka Meghalaya da hiar ki cha Madan Laban yow tympiah, u ah kharat wei khyndang ya ki tala wa da khang da ka KHADC ya ka Company kawa chna ya ka Shillong Ropeway.

Kam wow pynkynmoo wa ha ka 27 tarik u bnai wa dep, ka KHADC hei yahkmat u CEM, u Winston Tony Lyngdoh da khang tala ki ya ka yung krehkaam ka Company wa chna ya ka Ropeway hajrong ka yurim wa ka Company da krehkaam ko khlem da yoh Trading License na ka KHADC.

I lai tympra ki bor sorkar ya ki tala toh hadien wa ka KHADC ym em lai wai ko ya ki tala wot hadien wa da thoh ka sorkar wow wai noh.

Related posts

Da yabhah thymme ya ki chnat sorkar hapyrdi u Paul, u Sanbor wa u Timothy

November 4, 2026

Khut ka EduCareer Point Institute wow yaleh ya ka Free Hospitality Training Programme

November 4, 2026

Chwa ini, ka chnat Tourism da ujor FIR ko pyrchah yei khang tala ya katai ka thaw deiwa ong wa em ko ha i thaw wa mantre da ka sorkar wei da maham leh ya ka District Council wow leh katkam ki kyndon aiñ lada pynthut ko yei kreh hadooh wa hap ko wow su yei lutsan neidaw wa pynslem yei kreh.

Ha ini i lai khyndang ki bor sorkar da sakhi lei yei syrtap ki pulit ya kani ka thaw ya jia mih iwon iwon iwa leh pyrchah.