Heiyatoh wa i mihkhubor wow pyndait palat 300 tylli ki CCTV ha Shillong wei daw pynlut Rs. 150 klur tam wow leh yeini, neiliang u Executive Director ka Shillong Smart City Project da pynche u wa kani ka poisa man ko hadooh wow chna yaka Integrated Command & Control Center (ICCC) kawa man chibynta yong ka Shillong Smart City Project katkam i yoh yarap poisa naka Ministry of Housing and Urban Affairs ka sorkar pyrdi wei daw pyndep noh ka hei lut wa Rs. 151.77 klur wei ini toh neibynta ka ICCC wei ymtoh katkam wa da kam ha ki Social Media wow pynlut Rs. 150 klur neibynta ki 300 tylli ki CCTV.
Yaka ICCC da pynkrehkaam katkam ka PAN City hapoh ka Shillong Smart City Project wa kynthup yaka ICCC Building, ka ICCC Platform, ki Software, Data Centre (DC) wa Radio Frequency Network (RFNW).
Da pynche leh wa kini ki CCTV ha Shillong toh wow sylli yei lai i wan ki ki kari kiwa em 368 tylli, neitæ daw em ki Emergency Call Box (ECB) 42 tylli, ki Public Address System (PAS) 58 tylli, Variable Message Displays (VMDs) 20 tylli, ki Streetlight (LED/Smart Lights with Light Point Controller (LPC) 300 tylli, ki Public Wi-Fi Hotspots 60 tylli, ki GPS Based Vehicle Tracking for Solid Waste Management (SWM) Vehicles 50 tylli wa ki Smart Bins 200 tylli.
Heijooh i por ka ICCC u man ko leh i jabieñ wow pynwandur yaka sor Shillong wei i krehkaam ko u kynthup i yaki kreh wa har rukom katkam ka juk wa katni.
Discussion about this post