I kyntu na ka chnong Panaliar heiyatoh wa ka Durga Puja ha Jowai

Ka Dorbar Chnong Panaliar ynne da lai sakhi ko ya ka Durga Puja ha Shiv Mandir Complex, Iawmusiang Jowai ya kawa pynman da ka Sarbajanin Durga Puja Committee.

Ha kani ka sngi da yachem kiwa kitkaam chnong wa ki dkhot yong ka Committee.

Neiliang u Waheh Chnong, u Careme Phawa da ong u wa ynne da wan ki dkhot ka Executive Committee wow e i krehlang wa ka Puja Committee khnang wow ye u pynlai bait ya kani ka lehkmen.

Related posts

I em ka Railway Station ka North Garo Hills da wanrah ko chiboon i myntoi ya kiwa rep: DC

November 10, 2026

U yoh myntoi palat 3000 ngut kiwa rep deiwa wai ya ka Farmer’s Market kawa le mala

November 10, 2026

Da ong u wa mynstep daw wan pyndep ya ka lehniam Durga Puja heiwa kiwa boon ki bynta u pyndep toh hapoh u pood u ang ka chnong Panaliar ha Syntu Ksiar, kamtæ daa khut u yei krehlang deiwa lehkhooid ya i thaw neibhah wa man ka thaw wa kyntang.

U Homely Passah da ong u wa kam ka chnong jooh pait sylli ko ya i thaw wot hadooh wow pynkhooid ya ka deiwa kyrpaad ya ki khon ka chnong Jowai khamtam kiwa ngait niam Hindu wow man kiwa lehkhooid wei ymhoi u mih i awri hawa lai cheitai cha Treriat.