U MLA ka Jowai uwa man leh u Montri ka sorkar jylla, u Wailadmiki Shylla ynne ka sngi da lai kitbok u ya kiwa ngait niam Hindu ka Jowai deiwa lai cha ka Shiv Mandir Complex, Iawmusiang wa pynman ya ka lehniam Durga Puja.
Ya kani ka lehniam ha Jowai da pynman da ka Sarbajanin Durga Puja Committee heiwa u Wailadmiki da yachem u leh ya kiwa kitkaam kani ka Committee.
Neiliang kiwa kitkaam da sñiawkmen wei da e khublei ki ya u Montri wa da wan e mynsien u ya ki deiwa kitbok kitrwiang ki leh ya oo wa ha ki kaam yong oo.
U Wailad hawa klam wa kiwa pathai khubor da ong u wa kani ka lehniam toh i jop i bha yei sih kamtæ emkaam u man kiwa kmen wei wow yarap markylliang.
Da ong u wa waroh ki lehniam toh u embynta salonsar wei kiwa pynman ya ka lehniam kwah ki leh wow sakhi yei wan chimbynta ki tre jylla ha ka.
Discussion about this post