U Montri ka chnat puræ puthi ka jylla, u Rakkam A Sangma da ong u wa da yaklam wa u Chairman ka National Testing Agency (NTA), hajrong i mih ar tylli ki thup Question Paper hawa yaleh NEET ha Jowai Centre wei hawa yaklam ynne da ong u wa ini toh iwa sakhiat wei ini wa jia toh iwa sñiawsih bha.
Da khana u wa u Montri Rangbah ka jylla leh da dep yaklam u wa u Chairman ka NTA yow pynman yei takit neibhah ini i kaam ym haap i ha kti yong ka sorkar jylla.
Kam wow pynkynmoo wa ha kani ka NEET-UG 2024 kawa da pynman haka 5 tarik uni u bnai, heiwa ka Jowai Centre toh kawa da pynman ha St. Mary Mazzarello Girls Hr. Secondary, Jowai wei da kulmar ki khynnah hadien wa poi ar tylli ki Question Paper kitæ ka QRST Series wa kawi won ka MNOP Series heiwa kiwa pynlai Exam leh ymtip ki kawon kawa toh.
U Montri da ong u wa da kyrpaad ya u Chairman ka NTA wow pynman biang yaka Exam khnang wym chah ktah kiwa yaleh ya kani ka Exam.
Ynne ka sngi, kiwa yaleh Exam ha Jowai Centre da yachem ki leh wa u Montri yow dawa pynman biang ya kani ka Exam.
Heijooh i por u Montri da ong u wa ka sorkar jylla daw yoh ko yaka Exam Centre ha Tura, Shillong, Jowai neibynta kiwa yaleh CUET.
Discussion about this post