Hadien wa poor i Video wa riñ ka CCTV yei chah tyrrah kawi ka Scooty ha kawi ka Bolero Pick-up iwa da jia ha Mawlai Iewrynghep heipor kamwa 11:22 i miet ka 1 tarik uni u bnai ha i bynta wa tip kam ka SD Khongwir Junction.
Neiliang u SP ka East Khasi Hills, u Vivek Syiem da pyntip u wa katkam wa yoo hei riñ ka CCTV, kani ka Bolero Pickup hadien wa tyrrah ko ya ka Scooty da yut ko na ini i thaw wa jia heiwa uwa yah Scooty da yoo wa tyllung u cha rood sarok heiwa hadien da yoo wa ye u yieñ.
U SP da ong u wa ymtip hadooh katwon da mynsoo da takha uwa chah tyrrah neibhah wym em wan pyntip u cha ki pulit yeini wa jia, kamtæ da kyntu ya uni u bru wow wan u chakhmat lane kiwa tipmit ya oo wow wan pyntip ki cha pulit kamjooh chaphang ka kari Pick-up deiwa lai ha Mawlai Traffic Branch wei ye leh wow Phone ha kini ki Number-6909396417, 6009196479.
Chooh chooh da pyntip wa ya kitu kiwa pyntip daw murieh yei pyrtuid ki.
Puræ leh: Lai tyrrah kawi ka Pick-Up ya uwa yah Scooty ha Mawlai lakam wa leh chynnam
Discussion about this post