Sah sa 70,317 MT u mooyong wym pu em kit ha East Jaiñtia Hills

Katkam wa da thoh hapoh ka 22^nd Interim Report wa da e kti da u Judge (Rtd) BP Katakey ha ka Meghalaya High Court kam chibynta ka mukotduma wa da yaleh hi da ka yung bichaar heiyatoh wa i tih wei kit mooyong pyrchah yaka aiñ, da pyntip wa ha East Jaiñtia Hills u mooyong wa da dep chim yukheiñ deiwi deiwa pynemkaam da ki Drone da sdang wow kit oo cha ki thaw pynhaap mooyong (Depots) wa da booh da ka CIL.

Kam wow pynkynmoo wa ya u mooyong ha East Jaiñtia Hills neidaw wym bien ki tre u wan chakhmat wow chim yaki Transit Pass yow kit noh oo, da pynslem yei kaam dai lilam hadooh wa ini wa dep ka High Court da maham ko wa lada ym wan tre u kit, u chimkti noh ka sorkar oo wei ka poisa wa mih nei dai lilam leh u lai ko cha ka sorkar.

Ha kani ka Interim Report, u DC da pyntip u wa da em ki tre mooyong kiwa da wan chim Transit Pass wei em leh ki kattu katni kiwa da yoh Transit Pass tangwa ym pu em kit ki ya u mooyong. Kamtæ da paan por u yow tip wa lada u 70,317.66 MT u mooyong wa dang sah daw ye u kit noh oo wei hadien wa da pyntikna ya uni u mooyong daw kit noh hapoh uni hi u bnai.

Ha East Jaiñtia u mooyong wa da dep chim yukhieñ biang da em u 10,04,587.5 MT, uwa da dep kit da em u 9,34,269.84 MT katwa uwa dang sah won 70,317.66 MT.

Related posts

Rah uwi da u pseiñ wa pooh oo cha Hospital

January 13, 2026

Yap sa u Politician wa man kam u Hindu ha Bangladesh uwa em hapoh patok

January 13, 2026

Heiyatoh won waka Weighbridge kawa dang chna kawa em hadien ka Don Bosco College, Byndihati, neiliang u DC ka East Jaiñtia da pyntip u wa da phah ya u tre wow tympra ka tangwa neidaw wym bien u, da khang noh ya kani ka Weighbridge wei daw tympra noh ka da u DC.