I sñiawngooh na ka yung ka sem ka (L) Jngiar Lyngdoh

Ka yung ka sem yong ka (L) Jngiar Lyngdoh kawa chong wa sah ha Khliehriat West kawa da khlaad noh ha ka 03-05-24 da pynsñiaw ki yei sñiawngooh nyngkong dooh ya u Blai wa booh wa thoo uwa da emlang waka yung ka sem ha kam ini i por hawa kam ka yung da dooh noh ko ya ka manbei ka yung.

Da pynsñiaw leh yei sñiawngooh ya ki kur ki kha, ki jait ki man, kiwa ha-yung ha-sem wa ki paralok para jor kiwa najan na jngai kiwa ya emlang ha ini i por.

I sñiawngooh wa kyrpang khamtam dooh ya ka Balang Presbyterian Khliehriat ka wada yarap ya kiwa boon i emkaam, kamjooh kawa da pyndep leh yei lehniam wa khaddooh.

Da e ngooh leh ya ki Doctor ki Nurse kiwa da sumaar ya ka, kiwa na North East Cancer Hospital, Assam, kiwa na Nazareth Hospital, Shillong nadooh i por wa dang em ko hei chitom.

Ym ye leh khlem da pynsñiaw yei sñiawngooh wa kyrpang khamtam ya kini ha wah:

U Dr. Sutnga uwa kreh ha Jowai Civil Hospital Ialong wa kiwi kiwi de.

Ya ka Ebanylla Sympli wa Balari Sympli ki Nurse kiwa sumaar ka ha yung nadooh wa sdang ko u thiah kjut ha yung.

Ya u Father Ïoanis War Pakma uwa duwai hadien wa da khlaad ka Bei, kamjooh ya ka Balang Katholik Khliehriat kawa da e kyllooid yei thaw pynyieñ kari.

Ya ka chnong Khliehriat West, kiwa chong chnong wa ka Kur Lyngdoh kiwa da pynchit pynsaaid kiwa da wan sñiawlem ya ka yung ka sem.

Ya ki janyung jansem kiwa da e kyllooid ya ki yung ki sem ki yong ki neibynta wow pdiang ya ki lok ki jor, ki kur ki jait, kiwa da wan wow sñiawlem ya ka yung ka sem.

Ya ki ar ngut kiwa mihkhmat na East Jaiñtia Hills District, u Kyrmen Shylla wa ka Santa Mary Shylla.

Ya kiwa yahkhmat seiñbhalang ki waphær waphær kiwa da wan sñiawlem lang wa i kam ka yung ka sem.

Ya u Publicity Secretary ka JNC uwa da chimkhia wow pyntip lyngba ki laad pathai khubor yei khlaad noh ka bei.

Ya ki lok ki jor kiwa da phah khubor sñiawlem lyngba ki Social Media.

Ya kiwa chet wa sait, ki boo ki kong, ki kur ki jait kiwa yarap ya i kaam ka yung.

Khaddooh da e khublei kyllum lang ya waroh kiwa da wan sñiawlem kamjooh ya kiwa da yarap ya ka yung ka sem ka yong i wow pynbait pynbiang yeiwa emkaam, i emlang wa i kyrchaan yong phi la hei yarap næ hei duwai da man ko i bor, i chngaaiñ wa i tngen ka yung.

“E wa u Blai u nang emlang u wa phi wei wow nang theh u yei kyrkhu yong oo ha phi waroh. Chim wa kani man ko ka e khublei kyllum ya waroh kiwa wan sñiawlem ya kiwa ym ye de u khoh pyrtuid heini.”

“Khublei chiboon, e wa u Blai Kynrad na jrong uwa booh wa thoo u nang kyrkhu u ya phi uwi pa uwi wa ka yung ka sem yong phi leh kamjooh.”

Kiwa sñiawngooh ya phi:

U Roibok Lyngdoh (khon waheh)

Ka Hundabiang Lyngdoh (khon wa ar)

U Sambormi Lyngdoh (khon wa le)